កំពង់ឆ្នាំង៖ រដ្ឋបាលខេត្តកំពង់ឆ្នាំង ចេញសេចក្តីជូនដំណឹង ស្តីពីកិច្ចប្រជុំផ្សព្វផ្សាយសេចក្តីប្រកាសកំណត់តំបន់វិនិច្ឆ័យ សម្រាប់ការងារចុះបញ្ជីដីធ្លីមានលក្ខណៈជាប្រព័ន្ធ សម្រាប់ភូមិទី១ ភូមិទី២ និងភូមិទី៨ ដែលស្ថិតក្នុង សង្កាត់ខ្សាម ក្រុងកំពង់ឆ្នាំង ខេត្តកំពង់ឆ្នាំង។
អភិបាលខេត្តកំពង់ឆ្នាំង សូមជូនដំណឹងដល់សាធារណៈជន ព្រមទាំងគ្រប់មន្ទីរ អង្គភាព និងស្ថាប័ន ឬភ្នាក់ងារហិរញ្ញវត្ថុ ដែលមានការពាក់ព័ន្ធ នឹងក្បាលដីទាំងអស់ ស្ថិតក្នុងភូមិទី១ ភូមិទី២ និងភូមិទី៨ ដែលស្ថិតក្នុង សង្កាត់ខ្សាម ក្រុងកំពង់ឆ្នាំង ខេត្តកំពង់ឆ្នាំង ឱ្យបានជ្រាបថាៈ ដើម្បីអនុវត្តតាមខ្លឹមសារ នៃអនុក្រឹត្យខាងលើ គណៈកម្មការរដ្ឋបាលនឹងធ្វើការផ្សព្វផ្សាយសេចក្តីប្រកាសកំណត់តំបន់វិនិច្ឆ័យភូមិចំនួន ០៣ គឺ ភូមិទី១ ភូមិទី២ និងភូមិទី៨ ដែលស្ថិតក្នុង សង្កាត់ខ្សាម ក្រុងកំពង់ឆ្នាំង ខេត្តកំពង់ឆ្នាំង ជាតំបន់វិនិច្ឆ័យធ្វើការចុះបញ្ជីដីធ្លីមានលក្ខណៈជាប្រព័ន្ធ នៅថ្ងៃទី ១៩ ខែកុម្ភៈ ឆ្នាំ២០២១ វេលាម៉ោង ១៤:០០ នាទីរសៀល នៅបរិវេណវត្តខេមវន្ត (ហៅវត្តខ្សាម) ស្ថិតក្នុងភូមិទី២ សង្កាត់ខ្សាម ក្រុងកំពង់ឆ្នាំង ខេត្តកំពង់ឆ្នាំង។
សេចក្តីដូចបានជម្រាបជូនខាងលើ សូមសាធារណៈជន និងអង្គភាពពាក់ព័ន្ធនឹងក្បាលដីក្នុងតំបន់វិនិច្ឆ័យខាងលើមេត្តាចូលរួមស្ដាប់ការផ្សព្វផ្សាយសេចក្តីប្រកាសកំណត់តំបន់ធ្វើការវិនិច្ឆ័យ ការបំភ្លឺអំពីបញ្ហាច្បាប់ និងការឆ្លើយរាល់សំណួរទាក់ទងនឹងការវិនិច្ឆ័យតាមពេលវេលា និងទីកន្លែងដូចបានជម្រាបជូនខាងលើអោយបានគ្រប់ៗគ្នា កុំបីអាក់ខានឡើយ។
ទទួលបានសេចក្តីជូនដំណឹងនេះ រដ្ឋបាលខេត្តកំពង់ឆ្នាំង សង្ឃឹមយ៉ាងមុតមាំថា សាធារណៈជន និងអង្គភាពពាក់ព័ន្ធនឹងក្បាលដីក្នុងតំបន់វិនិច្ឆ័យខាងលើ នឹងឆ្លៀតឱកាសដើម្បីចូលរួមបំពេញកាតព្វកិច្ចរបស់ខ្លួន ពាក់ព័ន្ធការចុះបញ្ជីដីធ្លីមានលក្ខណៈជាប្រព័ន្ធយ៉ាងផុសផុលជាមិនខាន ៕
