កំពង់ឆ្នាំង៖ នាថ្ងៃទី២៤ ខែធ្នូ ឆ្នាំ២០២០នេះ នៅសាលប្រជុំសាលាខេត្តកំពង់ឆ្នាំង ឯកឧត្តម អម សុភា អភិបាលរងខេត្ត និងជាប្រធានគម្រោងបែងចែកដីដើម្បីសង្គមកិច្ច និងការអភិវឌ្ឍសេដ្ឋកិច្ច(ឡាសិត២) ប្រចាំខេត្តកំពង់ឆ្នាំង បានដឹកនាំកិច្ចប្រជុំបូកសរុបស្តីពីវឌ្ឍនភាពការអនុវត្តគម្រោង បញ្ហាប្រឈម និងមេរៀនបទពិសោធន៍ ក្នុងឆ្នាំ២០២០ និងលើកទិសដៅអនុវត្តការងារបន្ត របស់គម្រោងឡាសិត២។
ក្នុងកិច្ចប្រជុំក៏មានការចូលរួមពីក្រុមការងារគម្រោងឡាសិត២ ថ្នាក់ខេត្ត មន្ទីរជំនាញពាក់ព័ន្ធ លោកអភិបាល ស្រុកសាមគ្គីមានជ័យ ក្រុមការងារគម្រោងថ្នាក់ស្រុក ថ្នាក់ឃុំគោលដៅ លោកមេឃុំឈានឡើង លោកមេឃុំពាម លោកមេឃុំក្រាំងល្វា និងតំណាងសហគមន៍ព្រមទាំងភ្នាក់ងារ ផ្តល់សេវាទុនបង្វិល។
ឯកឧត្តម អម សុភា អភិបាលរងខេត្ត បានថ្លែងនូវការកោតសរសើរ និងវាយតម្លៃខ្ពស់ចំពោះកិច្ចខំប្រឹងប្រែងរបស់ថ្នាក់ដឹកនាំគ្រប់ភាគីពាក់ព័ន្ធដែលបានសហការអនុវត្ត និងបំពេញការងារជូនប្រជាពលរដ្ឋទទួលបានលទ្ធផលគួរជាទីមោទនៈ។ឯកឧត្តម បានជម្រុញឱ្យក្រុមការងារគម្រោង និងអ្នកពាក់ព័ន្ធទាំងអស់បន្តសហការ អនុវត្តការងារឱ្យលទ្ធផលល្អប្រសើរបន្ថែមទៀត ៕
![](https://asset.cambodia.gov.kh/provincial/sites/13/2021/01/IMG_20201225_174618_359.jpg)
![](https://asset.cambodia.gov.kh/provincial/sites/13/2021/01/IMG_20201225_174620_895.jpg)
![](https://asset.cambodia.gov.kh/provincial/sites/13/2021/01/IMG_20201225_174622_453.jpg)
![](https://asset.cambodia.gov.kh/provincial/sites/13/2021/01/IMG_20201225_174625_219.jpg)
![](https://asset.cambodia.gov.kh/provincial/sites/13/2021/01/IMG_20201225_174627_185.jpg)
![](https://asset.cambodia.gov.kh/provincial/sites/13/2021/01/IMG_20201225_174628_546.jpg)
![](https://asset.cambodia.gov.kh/provincial/sites/13/2021/01/IMG_20201225_174630_571.jpg)
![](https://asset.cambodia.gov.kh/provincial/sites/13/2021/01/IMG_20201225_174618_359-1.jpg)