កំពង់ឆ្នាំង៖ នាថ្ងៃទី២៦ ខែវិច្ឆិកា ឆ្នាំ២០២០ ក្រុមការងារខេត្ត ដឹកនាំដោយលោក លី សុភា ប្រធានមន្ទីររៀបចំដែនដី នគររូបនីយកម្ម សំណង់ និងសុរិយោដីខេត្តកំពង់ឆ្នាំង បានដឹកនាំក្រុមការងារចុះសិក្សា ពិនិត្យទីតាំង និងកំណត់ព្រំប្រទល់ដីវត្តទីគិរីវ័ន្ត ដែលមានការរំលោភដីយកជាកម្មសិទ្ធិពីប្រជាពលរដ្ឋស្ថិតនៅភូមិកោះខ្ទម្ភ ឃុំជៀប ស្រុកទឹកផុស ខេត្តកំពង់ឆ្នាំង។
ដោយមានការនិមន្តចូលរួមពីព្រះសង្ឃ និងព្រះគ្រូចៅអធិការវត្ត លោក សរ លាង ប្រធានមន្ទីរធម្មការ និងសាសនាខេត្តកំពង់ឆ្នាំង មន្ទីរកសិកម្មខេត្ត អភិបាលរងស្រុកទឹកផុស នាយកទីចាត់ការអន្តរវិស័យសាលាខេត្ត សមាជិកក្រុមការងារ អាជ្ញាធរដែនដី អាចារ្យគណៈកម្មការវត្ត ៕
